Пожар синоќа во Кавадарци, изгорел хектар борова шума

-Пријавата за пожар во подножјето на ридот „Љубаш 2“ ја добивме додека во градот врнеше дожд, па мислевме дека дождовните капки ќе ни помогнат во совладувањето на пламените јазици. Но, на ридот што според кавадарчани, ги претставува белите дробови на градот, имаше само малку роса, па моравме да вложиме повеќе напори за да го совладаме огнот. Ни кажаа дека најверојатно во близина удрил гром, па се претпоставуваше дека тоа е причината за пожарот, рекоа од Противпожарната  служба.

Оттаму појаснија дека огнот го гаснеле седум пожарникари со две противпожарни возила. На помош им дошле луѓе и возило од Дирекцијата за заштита и спасување, како и работници со две возила од подружницата на „Македонски шуми” од Кавадарци.