-->
-->
Пожар на шума во Кривопаланечко
-->
Кривопаланечките пожарникари речиси три часа го гаснеа денешниот пожар во атарот на село Борово, каде е опожарена површина од три и пол хектари мешана шума и трева.
- Дојавата за пожар во Територијалната противпожарна единица Крива Паланка е примена во 13 часот и пет минути од страна на дежурен полицаец од Полициска станица од ОН, Крива Паланка. Изгорени се 1,5 хектари ливади, сливи, бор и ореви и два хектара дабова шума, мешана со багрем. Пожарот е целосно ликвидиран во 16 часот и 30 минути, информира Иле Коцевски, командир на ТППЕ, Крива Паланка.
На пожарот е интервенирано со две возила и шест пожарникари, во координација со Јавно претпријатие „Македонски шуми“ Подрачно шумско стопанство „Осогово“ и ЦУК.
-Во близина на пожарот се наоѓаше деградирана и мешана шума која постоеше опасност да биде зафатена поради силниот ветар и да се прошири кон куќите во непосредната околина, но интервенирано е навреме и истото е превенирано, додаде Коцевски.
Тој апелираше до населението да се воздржи од палење оган на отворено и палење стрништа, што периодов е честа појава, а претставува опасност од предизвикување поголеми пожари, како и непроценливи штети.
Од ТППЕ Крива Паланка информираат дека и последниот пожар во март бил предизвикан од несовесно однесување.
-Пожарот настана во селото Огут, опожарена е поголема површина трева и шуми, а дојавата беше примена околу четири часот изутрина на 30 март, рече Коцевски.
-->
-->
-->
Ново на Сител
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина
-
Реакција на осигурителните компании на одлуката да се врати старата цена за авто одговорноста
-
Хунтата во Мјанмар им забранува на мажите да аплицираат за работа во странство
-
При претрес приведен дилер од Битола