Пожар беснее во центарот на Струга

Повеќе од пет куќи се зафатени попладнево во пожар во центарот на Струга, позади хотелот „Београд“. Засега нема информации за настрадани лица во пожарот, ниту за причините за негово избувнување.

Екипи на Територијалната противпожарна единциа од Струга се на лице место, а помош има и од охридските пожарникари.

Се работи за куќи од збиен тип, пристапноста е тешка, а според очевидци пламените јазици постојано се шират. Постои опасност од зафаќање на други објекти.