Повторно хаос во албанскиот Парламент, пленарната седница траеше само 12 минути
Денешната пленарната седница на албанскиот Парламент мина во услови на тензии и хаос создаден од опозициските демократски пратеници приврзаници на Сали Бериша.
Пратеници од крилото “Обнова на ДП” како и изминатите три месеци ја блокираа собраниската говорница, носејќи транспаренти на кои пишуваше „Убијци на плурализмот“, „Убијци на демократијата“, свиреа со свирчиња, но денеска ги немаше димните бомби, кои редовно беа пуштани претходно.
Под силниот звук на свирежите, претседателката на Собранието Линдита Никола директно отиде на гласање на точките од дневниот ред, а на седницата присуствуваше и премиерот Еди Рама.
Пратеничката на Демократската партија, Албана Вокши, се обиде да тргне кон премиерот Рама со плакат во рацете, на кој пишуваше „Убиец на демократијата“, поради што мораше да интервенира гардата за нормализирање на ситуацијата.
Седницата беше затворена во рок од 12 минути, по изгласувањето на предлог-законите од страна на владејачкото мнозинството.
Во изјава за медиумите, по седница, пратеникот на ДП, Ервин Салијањи, истакна дека “опозицијата нема да се повлече од своето дејствување, туку ќе го диверзифицира”.
Опозициската ДП има 55 пратеници, од кои 47 се од “Обнова на ДП” побројното крило предводено од Сали Бериша, додека остантите 8 се со Љуљзим Баша, кој во судот фигурира како лидер на партијата.
Ново на Сител
-
Минчев: Наследството од народното востание потсетник да ја поддржуваме слободата, правдата и еднаквоста
-
Средба Зеленски - папа Франциск
-
Добитник на Нобеловата награда за мир е организација на преживеаните од атомските бомбардирања на Хирошима и на Нагасаки
-
Путин: Неопходен е нов светски поредок
-
Најмалку четворица загинати при руски напад врз регионот Одеса
-
Приведен албански државјанин за незаконит риболов
-
Тројца дилери приведени во Скопје
-
Димитриевски: Сите граѓани да имаат еднакви права при вработување, суштински да се заложиме за квалитет