Повторно ден полн сообраќајки: Четири лица повредени во Скопје
Пет сообраќајки се регистрирани во изминатото деноноќие на подрачјето на Скопје, во кои со тешки телесни повреди се здобил патник во автобус, а три лица се полесно повредени. Три од сообраќајките се со материјална штета.
Како што информираа за МИА од СВР - Скопје, во текот на изминатиот ден сообраќајната полиција санкционирала седум возачи под дејство на алкохол, кои се исклучени од сообраќај, тројца поминале на црвено светло на семафор, а седум користеле мобилниот телефон и не го користеле сигурносниот појас.
Санкционирани се и 36 непрописно паркирани возила.
Со помош на специјалното возило пајак, отстранети се 62 возила кои во поголема мера го попречувале нормалното одвивање како пешачкиот така и моторниот сообраќај.
Во рамки на проектот „Сообраќајна култура на децата во предучилишни установи“Одделението за превенција при СВР Скопје денеска ќе реализира едукативни работилници во детската градинка „Фидани“ објект „Петар Пан“ во општина Чаир.
Утре со почеток во 17:30 часот во Спортскиот центар „Борис Трајковски“, во рамки на Лигата на шампиони, ќе се одигра меѓународен ракометен натпревар помеѓу РК „Металург“ и РК „Елверум“, Норвешка. Со цел непречено и безбедно одвивање на сообраќајот, како и на овој вонреден настан, од сообраќајната полиција ќе бидат превземени соодветни мерки за сообраќајно обезбедување и физичка регулација на сообраќајот.
Ново на Сител
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера
-
Во Кочани одбележана 119-годишнината од загинувањето на Никола Карев
-
Сончево со мала до умерена облачност, следува период на релативно топло време