Македонија
23. August 2018 - 8:42

Повредени две лица во Скопје

- Дваесет и седум возачи се санкционирани за пречекорување на брзината во изминатото деноноќие на подрачјето на СВР Скопје, кога биле евидентирани четири сообраќајки во кои полесно се повредени две лица. 

Сообраќајната полиција исклучила од сообраќај осум возачи под дејство на алкохол, 19 кои возеле пред да се стекнат со право на управување возило, двајца возачи почетници. Исклучени се и 10 нерегистрирани возила и едно технички неисправно.

За 53 возила се издадени мерки за непрописно паркирање, а „пајакот“ подигнал 49 возила.

Изречени се санкции и за осум пешаци за поминување на црвено светло и надвор од пешачки премин, а исто толку возачи се казнети за неправилно престигнување и престројување. Евидентирани се и седум лица кои не користеле заштитен шлем при возење велосипед со мотор, мопед и мотоцикл.