Повредени две лица, шест сообраќајки вчера во Скопје
Едно лице е тешко повредено, а едно се здобило со полесни повреди во две од вкупно шест регистрирани сообраќајни несреќи во изминатите 24 часа на подрачјето на СВР Скопје. За четири сообраќајки е регистрирана материјална штета.
Сообраќајната полиција санкционирала 28 возачи кои се движеле со брзина поголема од дозволената и исклучила од сообраќај 11 возачи, од кои девет пред да се стекнат со право на управување моторно возило и двајца почетници.
Исклучени се од сообраќај 13 нерегистрирани возила, а санкционирани се 91 возач за непрописно паркирање и со „пајакот“ се подигнати 86 возила. Седум возачи се казнети за неправилно престигнување и уште седум за непоседување зимска опрема, како и по тројца за неправилно престројување, не давање првенство на минување на возила и на пешаци и за поминување крстосница на црвено светло.
Во рамки на сообраќајно воспитниот проект „Сообраќајна култура на децата во предучилишните установи“ одделението за превенција денеска ќе реализира едукативни работилници во градинката „8 Март“, објект „Ѕуница“ во општина Кисела Вода.
Ново на Сител
-
29 годишник од Тетово на социјалните мрежи објавувал слики од малолетничка со вулгарен текст
-
Прилеп ќе го прогласи петок, 4 октомври, за ден на жалост
-
Кривична пријава против поранешен градоначалник за злоупотреба на службена положба и овластување
-
Муниција и експлозив пронајдени во дом во Козле, куќен притвор за осомничениот
-
Одбележана 80-годишнината на Стопанска банка - темелот на домашната економија
-
Уапсени две лица кои сакале да крадат од зградата во Чаир која гореше вчера
-
Шолц: Никогаш не ги заборавајте негативните аспекти на обединувањето на Германија
-
ЕК бара информации од Јутјуб, Снепчет и ТикТок за начинот на препорачување содржини на корисниците