Повреден пешак во центарот на Штип

Во Штип денеска повреден е 42-годишен пешак, кој ја преминувал улицата на мостотот кај „Стопанска банка“. Во него удрил џип марка „сузуки“, управуван од 60-годишен возач.

Пешакот е хоспитализиран во штипската Клиничка болница, каде му се констатирани телесни повреди.

– Несреќата се случила утринава во 9:30 часот, изјави портпаролот на СВР-Штип, Гордана Панајотова.

Анализите на СВР Штип покажуваат дека ова е четврта несреќа годинава во централното градско подрачје, во која е повреден пешак.

Панајтова информира дека во текот на вчерашниот ден од страна на СВР Штип е спроведена и контрола на возилата кои вршат јавен превоз на патници при што од контролирани 86 автобуси и други возила, 54 се упатени на технички преглед, едно е исклучено од сообраќај, а санкционирани се и други 15 возила за останати прекршоци.