Потпишан Проектниот документ „Креирање можности за работа за сите (втор дел)“
Претставници на Министерството за труд и социјална политика, Агенцијата за вработување на Република Македонија и Програмата за развој на Обединетите нации (УНДП) го потпишаа Проектниот документ „Креирање можности за работа за сите (втор дел)“ со кој продолжува заедничкото партнерство за реализација на дел од активните мерки и програми за вработување за 2017 година.
- Соработката на владините институции со УНДП е повеќегодишна и има за цел подобрување на условите за вработување и поддршката за невработените лица. Како резултат на истата, во последните 10 години, над 11.000 лица се стекнале со обука за претприемништво, над 8.700 отвориле сопствен бизнис. 35 проценти од новоотворените бизниси се раководени од жени, а 31 проценти од млади лица до 29 години, соопшти Министерството за труд и социјална политика.
Со програмата се планира да се овозможи зајакнување на претприемништвото и создавање 1.050 одржливи работни места во нови фирми, поддршка за растот на микро и малите претпријатија при нивното воведување на нови производи и услуги, што ќе доведе до отворање на 200 нови работни места, основање на локални партнерства што ќе резултира со мотивирање на 1.000 невработени лица-припадници на социјално исклучените ризични групи-активно да се вклучат на пазарот на трудот и во активните програми и мерки за вработување, воведување на иновации и нови технологии и практики во работните процеси кои овозможуваат забрзан раст на малите компании и создавање квалитетни работни места.
На свеченото потпишување, како што информираат од МТСП, присуствувале Растислав Врбенски, Заменик директор на Регионалното биро за Европа и Заедницата на независни држави на Програмата за развој на Обединетите нации (УНДП) и Луиза Винтон, постојан претставник на УНДП во државата, кои ја потенцирале важноста и потенцијалот на микро и мали претпријатија, не само за економскиот раст, туку и за целокупното унапредување на човековиот развој.
Ново на Сител
-
Преглед на вестите од светот
-
Тема на денот со Дарко Аврамовски
-
Пентагон: Билатералните односи да останат надвор од НАТО
-
Се китат со туѓи перја - Српскиот министер за култура го присвои родното место на Јустинијан Први
-
Пратениците од крилото на Села остануваат со Европскиот фронт
-
ВМРО-ДПМНЕ со обвинувања до Венко Филипче
-
Задругите се иднината на Македонското земјоделие, но се уште се на незавидно ниво
-
Спектакуларно отворање на 50-то издание на фестивалот на народни песни ,,Пеце Атанасовски‘‘ во Прилеп