Постигнат договор за нов државен ревизор

Економистот Максим Ацевски е предложен за нов главен државен ревзиор. Одлуката беше едногласно донесена од страна на Комисијата за избори и именувања, а Собранието треба да ја усвои на пленарна седница.

 

Комисијата го одби барањето за апанажа на поранешната специјална обвинителка Катица Јанева со образложение дека не постојат причини за прифаќање на барањето затоа што не е избрана од Собранието, туку до Советот на обвинители.

 

Комисијата избра и директори и членови на голем број агенции и комисии. Имер Алиу ќе биде нов директор на Дирекцијата за заштита на лични податоци, Пламенка Бојчева ќе раководи со Агенцијата за заштита на правото на слободен пристап до информации а Агим Рушити со Агенцијата за квалитет на високото образование.