Посетител во затворот Идризово се обидел да внесе кокаин
При редовна посета на осудено лице во затворот Идризово, косовски државјанин се обидел да внесе кокаин.
Според соопштението на обвинителството, на 31 јануари, тој при влезот во установата, на затворскиот полицаец му предал пакет наменет за осудено лице, во кое имало и една јакна. По извршениот претрес на пакетот, во внатрешниот џеб од јакната во најлонско пакување обвиткано со селотејп била пронајден кокаин со вкупна тежина од скоро 90 грама.
По спроведена истражна постапка, Основното јавно обвинителство до Основниот кривичен суд во Скопје поднел обвинение против косовскиот државјанин за сторено кривично дело Неовластено производство и пуштање во промет наркотични дроги.
Надлежниот јавен обвинител до Судот достави и предлог за продолжување на претходно определната мерка притвор за обвинетото лице, со оглед на тоа што и понатаму постои опасност од бегство и можност тој да го повтори делото што му се става на товар, се вели во известувањето од обвинителството.
Зоран Јаневски
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024