Портпаролот на грчката Влада поднесе оставка
Поради семејни причини, портпаролот на грчката Влада и заменик-министерот Христос Тарандилис, вчера поднесе оставка од функцијата, но и понатаму останува пратеник од владејачката Нова демократија, јави дописничката на МИА од Атина.
Тарандилис во писмото со оставката до грчкиот премиер Кирјакос Мицотакис вели дека „произлегле семејни причини, кои не му дозволуваат да продолжи да ја извршува должноста“, но и истакнува дека како пратеник ќе продолжи да биде „во првата линија во обидите за големите реформи што ќе ја променат земјата“.
За оставката на Тарандилис, реагираа од опозициската СИРИЗА, коментирајќи дека наместо да си замине министерката за култура Лина Мендони поради скандалот со педофилија со поранешниот директор на Националниот театар, оставка поднесе владиниот портпарол и додаваат дека „Тарандилис започна и време е да го следи и Мендони“.
Преку социјалните мрежи, Тарандилис ѝ одговори на СИРИЗА дека „произволно е толкувано неговото соопштение“ и објасни дека оставката не се должи на политички причини.
Функцијата владин портпарол ќе ја извршува алтернативната портпаролка Аристотелиа Пелони.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување