Поранешен косовски министер осуден на две години затвор за ширење национална омраза
Основниот суд во Приштина го прогласи денеска поранешниот министер за администрација и локална самоуправа на Косово Иван Тодосијевиќ за виновен за „поттикнување национална, расзна, верска или етничка омраза, раздор и нетрпеливост“ и го казни со затвор во времетраење од две години.
Како што јави дописникот на МИА од Приштина, повод за подигнување на обвинението беше негирањето од страна на Тодосијевиќ на хуманитарната катастрофа и масакрот во селото Рачак, кога по повод 20-годишнината од бомбардирањето на НАТО на Србија, изјави:
„Повод за агресијата на нашата земја беше таканаречената хуманитарна катастрофа на просторот на Косово и Метохија, измислениот Рачак, а токму тие шиптарски терористи кои сето тоа го измислија чинеа најголеми злосторства на Косово и Метохија, за кои до ден денес никој не одговарал. Чинеа злосторства пред НАТО-агресијата, убиваа добри српски домаќини на своите работни места. Својот крвав пир го продолжија и во текот на агресијата и по доаѓањето на таканаречената мировна мисија на Косово и Метохија“.
Поради оваа изјава, косовскиот премиер Рамуш Харадинај во април годинава го разреши Тодосијевиќ од функцијата, а нешто подоцна беше подигнато и обвинение за споменатото кривично дело.
Судијата Муса Конџели, кој ја изрече пресудата, рече дека казната затвор ќе се изврши откако пресудата ќе стане правосилна и најави дека нејзиното образложение ќе го достави до страните во законски предвидениот рок во писмена форма.
– Пресудата е скандалозна. Таква казна за вербален деликт не постои дури ни во стара Југославија и тоа кажува каква е состојбата и човековите права и слободи во Косово, нарочито за малцинствата, изјави Влајиќ.
Ново на Сител
-
СПM не е изненадена од одлуката со која Јакимовски и Јанева се ставени на Црната листа на САД
-
Нотингем Форест казнет со четири бодови
-
Агелер: САД ќе продолжат да ги именуваат функционерите вклучени во корупција
-
Тепачка на фудбалски натпревар во Богомила: Се степале двете екипи и публиката
-
Нападнат возач на ЈСП
-
Кабинет на Тренчевска: Велковски без конкретни информации излегува со лажни обвиненија
-
Kaтица Јанева и Стевче Јакимовски завршија на црната листа на САД
-
Јакимовски ја потврди кандидатурата за претседател пред Државната изборна комисија