Поради печатна грешка, дете заврши во полиција, а само напиша...

Британската полиција испраша еден десетгодишен муслиман откако по грешја напиша дека живее во „куќа со терористи“ (house with terrorists), наместо „во куќа со тераса“ (house with terrace).

Детето грешката ја направило на час по англиски јазик во основното училиште во Канкашир, на северозападот од Англија. Неговите наставници веднаш не сфатиле дека се работи за правописна грешка, па во склад со законот кој ги обврзува активно да работат на превенцијата на радикализацијата на децата, случајот го пријавиле во полиција.

Полицијата уште следниот ден дошла во домот на детето, каде пребарувала низ семејниот лаптоп. Од полицијата потоа соопштиле дека случајот е препуштен на социјалната служба и дека немало потреба за антитерористичка акција.

Како што пренесува британски Гардијан, семејството на детето изјавило дека инцидентот ги шокирал и побарале извинување и од училиштето и од полицијата.

-Ако учителот е загрижен, можел да се загрижи околу неговиот правопис. Не треба дете вака да се третира. Сега се плаши да пишува и да ја користи фантазијата, вели една роднина на преплашеното момче.