Поповолна состојбата во преработувачката индустрија, оценуваат раководителите на фирмите
Индикаторот на доверба во преработувачката индустрија во ноември во однос на октомври годинава е повисок за 0,2 проценти, а за 4,6 проценти споредено со ноември лани, оценуваат раководителите на фирмите од оваа индустрија.
Како што објави денеска Државниот завод за статистика, состојбата на обезбеденоста на производството со порачки во ноември во однос на октомври годинава е поповолна, очекувањата за обемот на производство во наредните три месеци се поповолни во однос на претходниот месец, а залихите на готовите производи сe речиси на еднакво ниво како и во претходниот месец.
Оценката за економската состојба на деловните субјекти во ноември споредено со октомври годинава е поповолна, а многу поповолна во однос на ноември лани. Оценката за бројот на вработени е дека ќе се зголеми.
Просечното искористување на капацитетите на деловните субјекти во ноември годинава изнесува 66,1 процент од нормалното искористување. Најголемо влијание на ограничувањето на обемот на производството имаат недоволната странска побарувачка со 23,3 проценти, недоволната домашна побарувачка со 21,3 проценти и недостигот на квалификувана работна сила со 15,2 проценти.
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово