Попова: Доколку ја примате руската вакцина – два месеца без алкохол
Оние кои ќе ја примат руската вакцина „Спутник V“ против коронавирусот ќе мораат да се воздржат од алкохол два месеци, изјави шефицата на руската Служба за заштита и надзор на потрошувачите „Роспотребнадзор“, Ана Попова.
-Консумирањето алкохол мора да престане најмалку две недели пред имунизацијата, а оние кои ќе ја примат првата доза мораат да се воздржат од алкохол во наредните 42 дена, рече Попова за Радио Космолскаја правда.
Попова, исто така, ги советува граѓаните да не пушат пред и по вакцинацијата, предупредувајќи дека чадот од тутунот ги иритира белите дробови и го намалува имунолошкиот одговор.
Како што пренесува „Москва тајмс“, по предупредувањето на Попова, шефот на државниот истражувачки центар „Гамалеја“, што ја разви вакцината „Спутник V“, Александар Гинсберг, рече дека и покрај тоа што не треба да се пие алкохол пред и по вакцинирањето, „една чаша шампањ никогаш никому не му наштетила“.
Кампањата за вакцинација на Русија почна викендов во Москва, а досега се проценува дека околу 100.000 Руси ја примиле „Спутник V“, вклучувајќи ги учесниците во истражувањето и припадниците на војската.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа