Поништена смртната пресуда за Морси

Египетскиот Касациски суд ја поништи смртната пресуда против соборениот исламмистички претседател Мохамед Морси во една од неколку судски постапки покренати против Морси од 2013 година.

Судот побара повторно судење за Морси поради вмешаност во бегство од затвор и насилства против полицајци за време на судирите во 2011 година во кои беше симнат од власт Хосни Мубарак.

Ново судење ќе има и за пет други обвинети меѓу кои и за врховниот лидер на Муслиманско братство, Мохамед Бадија.