Помалку патници во градскиот и меѓународниот превоз, повеќе во приградскиот и меѓуградскиот
Помалку патници се превезле во патниот патнички превоз во третото тримесечје годинава, во однос на тој период лани. Според објавените податоци на Државниот завод за статистика намалувањето на вкупниот број на превезени патници е 0,1 отсто, но одделно најголемо од 13,4 отсто има кај меѓународниот превоз, во градскиот превоз е намален за 6,2 отсто, додека зголемување има во приградскиот превоз за 8,5 отсто и во меѓуградскиот превоз за 6,4 отсто.
Во однос на второто тримесечје од 2018 година, вкупниот број превезени патници е намален за 18,4 отсто. Според видот на превоз, бројот на превезени патници во меѓународниот превоз е зголемен за 26,3 отсто, додека во градскиот превоз е намален за 19 отсто, во приградскиот превоз за 22,5 отсто, а во меѓуградскиот превоз за 2,2 отсто.
Во третото тримесечје од 2018 година, во однос на истиот период од 2017 година, вкупниот број на патнички километри во патниот патнички превоз е зголемен за 0,5 отсто. Според видот на превозот, бројот на патничките километри во градскиот превоз е намален за 5,6 отсто, во меѓународниот превоз за 12,8 отсто, додека во приградскиот превоз е зголемен за 12,3 отсто, а во меѓуградскиот превоз за 12,1 отсто.
Во однос на второто тримесечје од 2018 година, вкупниот број патнички километри е намален за 2,2 отсто. Според видот на превозот, бројот на патничките километри во градскиот превоз е намален за 31,6 отсто, во приградскиот превоз за 4,8 отсто, во меѓуградскиот превоз за 3,3 отсто, додека во меѓународниот превоз е зголемен за 28,1 отсто.
Ново на Сител
-
Љупчо Палевски Палчо екстрадиран од Турција и сместен директно во Истражниот затвор во Шуто Оризари
-
Тема на денот со Горан Илијевски - Партија на Македонците во Србија
-
Атентат врз словачкиот премиер
-
Флекс кредит и СОС Детско Село заедно за Денот на семејството
-
Предизборниот и постизборниот период продуцира економска криза, сметаат економистите
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати