Полска и Литванија тврдат дека границата со Белорусија не е затворена
Границите на Полска и Литванија со Белорусија функционираат нормално, изјавија официјални лица на тие држави откако претседателот на Белорусија, Александар Лукашенко, изјави дека земјата е принудена да ги затвори границите со Полска и Литванија, како и да ги зајакне граничните контроли со Украина.
Портпаролот на полската Влада Пјотр Милер во порака наведува дека државата не добила никаква потврда дека границата со Белорусија е затворена, додека Министерството за надворешни работи и соопшти дека границата функционира нормално.
Полскиот заменик министер за надворешни работи Павел Јаблонски нагласи дека неговата држава го разбира соопштението на Лукашенко како „уште еден елемент на пропагандната кампања, психолошка игра која има за цел да создаде чувство на надворешна закана“.
Шефот на граничната полиција во Литванија исто така вели дека границата работи како и обично.
Литванскиот министер за надворешни работи Линас Ликевичиус рече дека тие не знаат што значи најавата на Лукашенко.
Ново на Сител
-
ЦУК: Конститутивна седница на Управувачкиот комитет за координација
-
Кривична пријава за 16-годишник од Крива Паланка, украл автомобил од сограѓанин
-
Тешко повредени мајка и ќерка од Гостивар откако врз нив паднала порта
-
Ужас во Скопје: Го киднапирале и го натерале да се самозапали
-
Оливер Миланов ја презеде функцијата директор на Агенција за храна и ветеринарство
-
Злате Мехмедовиќ ќе биде новиот директор на Клиниката за физикална медицина и рехабилитација
-
Франција распореди 30.000 полицајци поради страв од немири на денот на изборите
-
Кој е Кир Стармер, идниот британски премиер?