Политичката ситуација по референдумот да се разреши брзо и едноставно, стопанството бара стабилност и сигурност
Ако сакаме позитивно да ја завршиме годината со планираниот економски раст од 3,2 отсто и без какви било негативни последици врз деловниот сектор, тогаш процесот по вчерашното референдумско изјаснување треба да заврши што побрзо и поедноставно, смета Стопанската комора на Македонија.
Според Комората, рано е да се каже дали ќе има или не предвремени парламентарни избори како што најави синоќа премиерот Зоран Заев, но за бизнис заедницата се најважни стабилноста и сигурноста. Не треба да има турбуленции кои би предизвикале проблеми врз производството и инвестициите.
- Секое поместување во оваа насока може некако да се рефлектира. Ако сакаме позитивно да ја завршиме годината, потребна ни е стабилност во функционирањето на институциите. Очекувањето е колку може поедноставно и побрзо овој процес да се заокружи за да не се предизвикаат негативни последици по натамошниот економски раст. Во минатото беше евидентно, и тоа го покажуваа сите статистички показатели, дека во услови кога имаме избори и одредени кризи, стопанството не е имуно и се доведува во пад или стагнација, истакна в.д. извршната директорка на Стопанската комора Билјана Пеева Ѓуриќ, одговорајќи на новинарски прашања.
Потсети дека Македонија лани ја заврши годината со 0,1 отсто раст.
- Влеговме во фаза кога состојбите почнаа да се раздвижуваат и кумулативно имаме раст на БДП од 1,6 проценти во првото полугодие, а само во вториот квартал 3,2 отсто. Далеку сме од економска стагнација, но доколку сакаме да го постигнеме проектираниот раст од 3,2 процента треба да постојат реално такви состојби на пазарот и да нема непредвидени движења на домашната сцена или од надворешни фактори, нагласи Пеева Ѓуриќ на прес-конференцијата за состојбите во пивската индустрија.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка