Полицијата заплени 150 килограми марихуана
Полицијата синоќа на локалниот пат Башино село - Велес во патничко возило управувано од скопјанецот С.А. пронашла непозната тревкаста материја (најверојатно марихуана) со вкупна тежина од околу 150 килограми.
- Синоќа околу 19:50 часот на локалниот пат Башино село - Велес, при контрола на патничко возило „Фолксваген Венто“ со кумановски регистарски ознаки, управувано од С.А. (38) од Скопје, полициски службеници во багажниот простор пронашле два големи куфери и три јутени торби со непозната тревкаста материја (најверојатно марихуана) со вкупна тежина од околу 150 килограми, информираат денеска од полицијата.
Увид на местото на настанот извршила екипа од СВР Велес. Пронајдените предмети, со потврда за привремено одземени предмети, се одземени и ќе бидат доставени за вештачење. С.А. е приведен во СВР Велес и по целосно документирање на случајот, против него ќе биде поднесена соодветна пријава.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка