Полицијата уби двајца напаѓачи при пукање во банка во Канада
Канадската полиција уби две машки лица за време на пукање во банка во Британска Колумбија. Шест полицајци се здобиле со повреди, а куќите во близина се евакуирани поради можна експлозивна направа, соопшти полицијата.
„Куќите и деловните објекти во непосредна близина на местото на инцидентот се евакуирани поради присутност на потенцијална експлозивна направа во возило поврзано со осомничените“, се наведува во соопштението, објавено на интернет страницата на полицијата во Санич.
Осомничените беа „тешко вооружени“, а првичните информации сугерираат дека носеле панцири, изјави шефот на полицијата во Санич, Дин Дути на прес-конференција.
Засега нема повеќе детали за нив.
Шест полицајци се однесени во болница со прострелни рани.
– Очекуваме некои полицајци да бидат пуштени откако ќе им се даде помош, додека други имаат навистина сериозни повреди и одведени се на операција, додаде Дути.
Ново на Сител
-
Магистралниот пат Охрид - Ресен затворен за сообраќај поради незгода
-
Утре температура до 39 степени, следните денови уште потопло
-
Се враќа оградата пред владината зграда во Скопје
-
Пожар на ридот меѓу Горно Коњари и Миладиновци
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми