Полицијата ги бара Илиевски, Дамовски, Нинџа и Кољо

Основното јавно обвинителство за гонење на организиран криминал и корупција донесе Наредба за спроведување на истражна постапка против  триесет и шест лица поради  основано сомнение за сторено кривично дело Терористичко загрозување на уставниот поредок и безбедноста од член 313 од Кривичниот законик, се вели во соопштението од ОЈО.

Неофицијално, според информации кои ги пренесе Нова се трага по Богдан Илиевски, на социјалните мрежи познат како Бетмен велит и Александар Дамовски, двајцата дел од иницијатовата За заедничка Македонија кои одржуваа протести и повикуваа на наводна одбрана на државата, а беа видени во Собранието на крвавиот четврток. За нив ќе бита распишани и потерници.

Се трага и по Никола Митревски – Кољо и Александар Василевски наречен Нинџа. Тој во октомври беше приведен заедно со негов пријател вработен во Шестата управа, и по два часа распит во полициската станица Автокоманда, беше пуштен.