Појас Газа: Најмалку седум луѓе загинаа, а 550 се повредени
Најмалку седум Палестинци загинаа, а околу 550 се повредени во судирите со израелската армија на границата помеѓу Израел и Појасот Газа.
Тоа е најголем број на жртви од минатата есен.
- Илјадници Палестинци денеска се судрија со израелската армија во пограничното подрачје на Израел со Појасот Газа, се наведува во соопштението на изралската војска.
Претходно израелската армија соопшти дела Палестинците тркалале запалени гуми и фрлале со камења врз израелските војници, кои возвратиле со солзавец и огнено оружје.
Израелската армија наведе дека нема да толерира оштетување на границата и оти за тоа е одговорен Хамас.
Палестинците во Појасот Газа денеска почнаа шестнеделен протест под шатори долж границата со Израел со барање да им се дозволи на палестинските бегалци да се вратат во Израел. Тие поставија десетици шатори на пет локации долж границата.
Првиот ден од протестите се совпадна со „Денот на земјата“ кога Палестинците им оддаваат почит на шестмина невооружени Палестинци, кои беа убиени во судир со израелските сили за време на демонстрации против конфискувањето земјиште на 30 март 1976 година.
Пред денешните протести Израел испрати поддршка на граничните сили во Газа.
Организаторите од Хамас изјавија дека денешните протести ќе бидат мирни, но главниот израелски воен потпарол бригадниот генерал Ронен Манелис изјави дека армијата е подготвена за можни нереди.
Бројот на војниците доцна синоќа распоредени на границата бил удвоен, вклучително и бројот на снајперисти, специјалните единици и припадниците на граничната полиција чија специјалност е контрола на нереди.
- Израел сака да избегне насилство, но нема да и дозволи на толпата да ја премине оградата, истакна Манилис.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас