Погубени 20 сунити во Иран

Група од 20 ирански сунити, за кои се наведува дека биле терористи осудени за неколку убиства и загрозување на националната безбедност, денеска се погубени, јавуваат иранските државни медиуми.

- Тие луѓе убиваа жени и деца. Работеа против безбедноста и убиваа сунитски религиозни водачи во одредени курдски области - изјави јавниот обвинител Мохамед Џавад Монтазери за телевизијата ИРИБ.