Поемата „Таинство на богомилите“ избрана за најдобра на конкурсот „Григор Прличев“

Ракописот „Таинство на богомилите“ на авторот под шифра „Пролог“ е избран за најдобар на конкурсот што се распишува во чест на делото на Григор Прличев.

Тричлената жири-комисија едногласно ја избрала поемата „Таинство на богомилите“ за најдобра од пристигнатите трудови на конкурсот што секоја година го распишува Националната установа Центар за култура „Григор Прличев“ од Охрид.

Наградата на авторот ќе му биде врачена на свеченоста што ќе биде организирана во рамки на манифестацијата „Прличеви беседи“ што се одржува на 4 февруари во Охрид, кога се одбележува годишнината од упокојувањето на големиот македонски писател и преродбеник Григор Прличев.