Македонија
30. December 2015 - 13:11

Поднесена кривична пријава против поранешен инкасант од Гостивар

НК за КР Гостивар поднесе кривична пријава против Е.Ш.(37) од Гостивар,  во ЈП „Комуналец“-Гостивар, поради постоење основи на сомнение за сторени кривични дела „злоупотреба на службена положба и овластување“ и „одземање или уништување на службен печат или спис“. Пријавениот од септември 2012 до август 2014 година додека бил вработен во ЈП Комуналец при наплата на сметки за комунални услуги и вода од граѓани од Гостивар присвојувал парични средства и не вршел раздолжување во благајната на јавното претпријатие, односно сметките подоцна ги уништувал. На ваков начин пријавениот се стекнал со противправна имотна корист од 357.826 денари на штета на јавното претпријатие.