Почнува ноемвриската програма на Кинотека на Македонија

Со францускиот филм „Што сме му згрешиле на Бога“ во режија на Филип де Шоверон од 2014 година, Кинотеката на Македонија вечер ќе ја почне ноемвриската програма. 

- Овој месец започнуваме со прикажување современи независни филмови, продолжуваме со современата европска продукција, со францускиот киноклуб, повторно имаме недела на современ јапонски филм, овојпат скратена на само четири филмови и, исто така, продолжуваме со контунуираното месечно претставување на шведската кинематографија, соопшти Кинотеката. 

Од 5-ти до 8 ноември во Кинотеката ќе се прикажуваат и филмови од годинашниот Фестивал на анимиран филм „Анимакс“, а во наредните денови ќе бидат организирани и Студентски етнолошки филмски фестивал и Фестивал за филмско сценарио „Скрипт фест“.