Почна замената на старите светилки во Ресен со економични лед диоди
Преку јавно приватно партнерство меѓу Општина Ресен и турската компанија „Џемдаг“ почна реализирањето на проектот за реконструкција, модернизација, надградба и одржување на системот за јавно осветлување во Ресен.
Градоначалникот Ѓоко Стрезовски денеска на прес-конференција информира дека турската компанија почнала со менување на живините и натриумови светилки на улицата „Корчуланска“ и на влезот на Ресен од страна на Битола со нови современи лед диоди кои ќе гарантираат заштеда на електричната енергија од минимум 60 проценти.
- Се работи за инвестиција од 1.250.000 евра, средства што општина Ресен ќе ги обезбеди од сопствениот буџет, преку генерирање на заштедите од наредниот период. Досегашните натриумиви и живини светилки ќе се заменат со современи и економични лед диоди, па токму од заштедата за потрошена електрична енергија ќе се плаќа приватниот партнер, рече Стрезовски.
Тој очекува во наредните два месеци да бидат заменети сите 2.400 улични светилки во Општина Ресен со што ќе се овозможи поквалитетен сервис кон граѓаните.
Согласно договорот, кој е склучен на 15 години, компанијата „Џемдаг“ ќе инвестира во замена и надградба на системот и ќе го одржува. Треба да формира кол - центар каде граѓаните ќе ги пријавуваат евентуалните дефекти, што треба да се решат во рок од 48 часа.
Ново на Сител
-
Назначени нови директори на ЈСП, ЈП Паркови и зеленило и ЈП Улици и патишта
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка