Почна протестниот собир против референдумското изјаснување пред две години

Под мотото "Слободата нема цена", во Градскиот парк почна протестниот собир против, како што велат организаторите, атакот врз слободата. Директен повод за протестот е двегодишнината од референдумот на кој над 600 илјади граѓани се изјаснија "ЗА" на прашањето "Дали сте за членство во ЕУ и НАТО со прифаќање на Договорот помеѓу Република Македонија и Република Грција“. Според организаторите на протестот, со референдумот се прекршени основните човекови права на сопствен идентитет на македонскиот народ.