Почна изградбата на локален пат кој ги поврзува „Вера Которка“ и село Биљaновце, кумановско
Почна изградбата на локалниот пат од кумановската населба „Вера Которка“ до село Биљановце во должина од 2,6 километри, соопштија денеска, надлежните од општина Куманово.
Патот се гради со средства обезбедени од проект за која аплицираше општината до Агенцијата за финансика поддршка во земјоделството и руралниот развој.
– Преку одобрената апликација ни беа доделени максимален износ на средства 20 милиони денари, но потребни се дополнителни средства, за целосна реконструкција што општината ќе ги обезбеди од сопствениот буџет од идната година, изјави раководителката на секторот за урбанизам, Емилија Сларидис Јаневска.
Досега жителите од двете населени места користеа пат кој само бил пробиен, изграден од локалното население. Со изградбата на патот се очекува побезбено и поефикасно поврзување на двете населени места.
– Идејата е во иднина, општина Куманово или преку сопствени средства или дополнителни фондови да продолжи со поврзувањето од село Биљановце до село Пчиња над клучката кај автопатот-изјави Сларидис Јаневска.
Секторите за урбанизам, за локален економски развој и комунална инфраструктура, минатата година подготвиле апликација до Министерството за земјоделството, односно до Агенцијата за финансика поддршка во земјоделството и руралниот развој за мерката 3.2.1 за развој на јавна инфраструктура во рурални средини, односно под мерка инвестиции во локална патна инфраструктура за поврзување на две или повеќе населени места.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп