Почна фестивалот на народна култура „Пображење“ во Вевчани
Со традиционално дефиле на фолклорни друштва низ вевчанските улици, синоќа во Вевчани почна шестиот фестивал на народна култура „Пображење“ што до петок ќе се одржи во организација на Културно-уметничкотото друштво „Дримкол“ од Вевчани, а под покровителство на Министерството за култура и општина Вевчани.
Покрај домаќинот, КУД „Дримкол“ на манифестацијата ќе учествуваат и фолклорните ансамбли „Китка“ од Истибања, „Ловеч“ од Ловеч, Бугарија, „Сиух и Виух“ и „Керутајад“ од Паиде, Естонија, и „Пжировские Нутки“ од Пжирув, Полска, како и културно-уметничките друштва „Илинден“ од Струга, „Ѓердан“ од Ваљево, Србија, „Весели Пензионери“ од Пробиштип, „Ѓердан“ од Охрид и „Типопластика“ од Горни Милановац, Србија.
Целта на фестивалот е да ја презентира македонската духовна култура и традиција, да овозможи запознавање на културата и традицијата од други земји низ светот и да ја збогати туристичката понуда на Вевчани. Фестивалот, според организаторот, е уште една потврда за негувањето на културата и односот на Вевчани кон културното наследство.
Покрај сценско-уметничката презентација на хорската, инструменталната и вокалната култура, во рамки на фестивалот ќе се одржи и стручен дискурс на тема: „Обредноста во Вевчани -Пображење“. Предвидено е да учествуваат еминентни професори, стручњаци и луѓе од праксата.
Фестивалот ќе заврши со настап на познатиот македонски чалгиски бенд „Чалгии“ од Скопје.
Ново на Сител
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите