Почина водечкиот египетски новинар Мохамед Хејкал
Еден од најпознатите и највлијателните новинари во Египет и во арапскиот свет, Мохамед Хејкал почина во Каиро, во 92 година од животот.
Неговото име најмногу се врзуваше за времето на поранешниот претседател Гамал Абдел Насер, во шеесетите години на 20 век.
Тој беше главен уредник на најпознатиот арапски весник , каирскиот „Ал Ахрам„ во времето на спроведувањето на насеровиот „арапски социјализам„.
Подоцна беше министер за информации, а кусо време и министер за надворешни работи, но по смрта на Насер во 1970 година, Хејкал беше тргнат пострана, од новиот претседател, Анвар ал Садат.
Во 1981 година, беше и затворен, заедно со поголема група критичари на тогашната власт.Беше ослободен од новиот претседател Хосни Мубарак, кој на функцијата дојде по атентатот на исламистичките милитанти врз Асад, подоцна таа година.
Хејкал продолжи да работи и да пишува, но и во времето на Мубарак, тој беше задржан настрана од врвот на власта.
Во соопштението на редакцијата на „Ал Ахрам„ за смрта на Хејкал се вели дека неговата здравствена положба се влошила во последните три недели.
Актуелниот претседател Абдел Фатх ал Сиси му одаде признание на Хејкал, нарекувајќи го „новинарска икона„.
Во египетското и во арапското новинарство тој ќе остане запаметен како најавторитетниот коментатор и хроничар за настаните во Египет, во бурното време на Насер.
Ново на Сител
-
Храната станува луксуз, Mакедонија се повеќе е увозно зависна
-
Teма на денот со Татјана Димитровска, претседателка на ДКСК
-
Лидерите на Европскиот Фронт потпишаа декларација против „моноетничко владеење“
-
Гаши ја свика првата координација
-
Лидерите на Европскиот Фронт потпишаа декларација против „моноетничко владеење“
-
Деспотовски: Тој што ќе изгуби на изборите во СДСМ, да не прифаќа партиски функции
-
Мицотакис: Прашањето за Преспанскиот договор ќе го отворам на Самитот на НАТО
-
Матурантите кои препишуваа на испитот по мајчин јазик ќе полагаат пак во август