Почина српскиот кошаркарски тренер Дејан Милојевиќ
Српскиот кошаркарски тренер Дејан Милојевиќ почина вчера на 46-годишна возраст како последица на срцев удар кој го доживеа ноќта меѓу вторникот и среда.
Милојевиќ беше помошник тренер на НБА екипата Голден Стејт, а претрпе срцев удар за време на тимска вечера во ресторан во Солт Лејк Сити.
Српскиот стратег итно беше пренесен во болница, но лекарите не успеаја да го спасат неговиот живот.
Роден на 15 април 1977 година во Белград, најголем дел од својата кошаркарска кариера Милојевиќ ја мина во Партизан, а со репрезентацијата на поранешна СР Југославија ја освои европската титула во 2001 година.
Тренерската кариера ја почна во Мега, а во август 2021 година потпиша долгорочен договор со НБА лигашот Голден Стејт.
Поради смртта на Милојевиќ, раководството на НБА лигата го одложи дуелот меѓу Јута и Голден Стејт.
Ново на Сител
-
22 македонски државјани побарале помош за напуштање на територија на Израел
-
Алиу: Ќе ги дисперзираме услугите за онколошките пациенти онаму каде што има услови
-
Пронајден череп и коски слични на човечки во штипско
-
Пробиштип: Товарно возило удрило во 68-годишна жена
-
Таксист измамил Швајцарец во Скопје за 7.800 денари
-
Двајца косовски државјани тешко повредени во сообраќајка
-
Зеленски: Следната недела нова размена на затвореници со Русија
-
Израелскиот воздушен простор останува затворен за цивилниот сообраќај