Почина познат македонски писател
Во Кичево вчера ненадејно почина писателот Стојмир Симјановски, соопшти Друштвото на писателите на Македонија, каде што Симјановски членувал од 1975 година.
Симјановски е роден во кичевското село Иваничишта во 1937 година. Беше дипломиран филолог, работеше во Дирекцијата за иселеништво на Република Македонија.
- Како раскажувач, романсиер, драмски автор и фељтонист Стојмир Симјановски зад себе остави богат опус од 32 книги. Меѓу позначајните наслови во неговото творештво се романите „Вратата на сонот“, „Двојната Ева“, „Црвени утра“, и збирката раскази „Чесно дрво“. Беше автор и на дела од областа на научната фантастика со кои во македонската литература потполни евидентна празнина. Добитник е на наградата „11 Септември“ на град Кичево, соопшти ДПМ.
Посмртните останки на Симјановски ќе бидат погребани денеска во 12 часот на градските гробишта во Кичево.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o