Победата за Романија, првото место за Македонија
Македонската кошаркарска репрезентација е поразена со 65-53 на последниот претквалификациски дуел за ЕП. Сепак поразот на гости од Романија беше недоволен, противникот да не симне од првото место бидејќи не ја оствари потребната разлика од 14 поени.
Мечот беше драматичен во финишот бидејќи во последната минута се влезе со предност на домаќинот од 13 поени. Хендрикс реализираше едно слободно фрлање и на 6.2 секунди до крајот Романците изведоа напад кој не го реализираа и радоста остана кај Македонците.
Најдобар кај Македонија беше Дамјан Стојановски со 13 поени, а Војдан Стојановски постигна 12 поени, додека Хендрикс заврши со осум поени и девет скока. Кај Романија, Кате и Торок дадоа по 12 поени.
Македонија како прва оди сигурно во наредната рунда, додека Романија е втора и ќе игра во третата претквалификациска рунда, во група во која ќе играат Словачка и Кипар или Велика Британија.
Ново на Сител
-
Тема на денот со Панче Тошковски, Министер за внатрешни работи
-
Компаниите и владата мора заедно да работат за дигитална трансформација
-
Четири јавни дебати за реформи на Судскиот совет
-
Нов обид за убиство на Раде Штекли – бомба одекна во Ќерамидница
-
Убиство од небрежност
-
Почна собраниската дебата за буџетот за 2025
-
Директорите незаконски си ги зголемиле платите додека Пошта тоне во длабока финаниска криза
-
Мицкоски ги повика турските компании да аплицираат за унгарскиот кредит