Победа Прилеп повторно прволигаш

Фудбалерите на Победа Прилеп со денешниот триумф во рамките на 25.коло над Љубанци со 1:0 успеаја да изборат пласман во Првата фудбалска лига во следната сезона. Стрелец на голот во 12.минута беше Денис Димитриоски. На две кола до крајот Победа има четири бодови повеќе од Македонија ЃП и пет од Тетекс. Победа има 44 бодови, Македонија ЃП 40, а Тетекс 39.

Натпреварот на стадионот „Гоце Делчев“ во Прилеп го следеа 8.000 гледачи.

За „вториот патник“ во Првата лига во последните две кола ќе решат екипите на Македонија ЃП и Тетекс, со тоа што можно е во последното коло во директен дуел која екипа покрај Победа ќе биде член на Првата лига следната сезона.