По хаосот во Парламентот Рама оцени дека опозицијата го допреа дното, Барди му возврати дека е кукавица
Албанскиот премиерот Еди Рама преку објава на социјалната мрежа Х реагираше по хаосот создаден денеска во законодавниот дом, оценувајќи дека „опозицијата го допрела дното“, поддржувајќи го поранешниот премиер Сали Бериша „лице барано од правдата“.
-Во политиката го внесоа вокабуларот и уличните манири фрлајќи ја политиката во средина на четирите патишта, сеејќи хаос, насилство и жнеење загуба, загуба, загуба … Тие веќе стигнаа до крајот, преземајќи ги маките на едно лице (Сали Бериша) барано од правдата, кој нема да ги ослободи додека не се распарчат и не излезат на парчиња над водата, како остатоци од потонат брод, пишува Рама.
Веднаш по објавата на Рама, реагираше Газмент Барди, кој ја предводи групата, од 45 демократски пратеници, приврзаници на Бериша, нарекувајќи го „кукавица фатен на дело, кој внесе 65 чувари во салата за да го заштитат“, бидејќи според него, се плашел од опозицијата.
-Еди Рама внесе во политиката и во парламентот претставници на организираниот криминал, шверцери, убијци и крадци, со што Албанија стана единствената земја во Европа на која и требаше усвојување на закон за декриминализација на политиката. Денеска како кукавица фатен на дело со коруптивни афери вредни милиони евра, кои секојдневно ги истражува и суди правдата, внесе 65 редари во собраниската сала, за да го заштитат додека тој го одобруваше буџетот со кој се финансираат само коруптивни ЈПП и проекти кои вбризгуваат повеќе пари за тендери кои се контролирани од организиран криминал, напиша Барди.
Денешната пленарна седница на чиј дневен ред беше Нацрт-буџетот за идната година, траеше само пет минути поради хаосот што го направија опозициските пратениците, но сепак истиот беше усвоен.
Ново на Сител
-
Приведена 19-годишна од Гостивар, во возилото е пронајден пиштол
-
Приведен 68-годишен скопјанец, физички ги нападал поранешната сопруга и нејзиниот син
-
Педесет проценти од царините ќе бидат усогласени со Европскиот царински тарифник почнувајќи од 1 јули
-
Денес и вчера приведени 8 возачи за безобѕирно управување со моторно возило
-
Сообраќајна несреќа кај патот Гостивар-Тетово, едно лице загинато и пет повредени
-
Дарио Ивановски победник на полумаратонот на годинашното издание „Охрид трчаТ“
-
Голема количина отпад изваден од дното на Охридското Езеро кај Радожда
-
Кина го обвинува американскиот министер за одбрана за „провокативни“ изјави во Сингапур