По една година пауза одново трка на дедомразовци во Скопје

По пауза од една година, повторно ќе се одржи традиционалната Кока-Кола Дедомразовска трка, во која повеќе стотици учесници во дедомразовски костуми ќе трчаат во главниот град.

Трката покрај натпреварувачки има и забавен карактер. Должината на патеката е два километри и можат да ја истрчаат и деца во придружба на родители.

За победниците се предвидени награди, а на најсреќните учесници преку лотарија ќе им се исполнат новогодишните желби без оглед на резултатот и освоеното место. Пред и по трката се предвидени музичка програма, загревање со фитнес инструктор и церемонија на прогласување на победниците.

Стартот на трката е закажан за 12 часот, а подигнувањето на стартните пакети од 10 часот на денот на трката.

Трката ја организира здружението за спорт и рекреација Прв до врв, со поддршка на Кока-Кола и Градот Скопје.