ПМФЛ: Силекс го победи актуелниот шампион, Вардар поразен и од Беса
Екипата на Силекс го совлада актуелниот шампион, Струга Трим Љум со 1-4 (0-0) на гостувањето во дуел од 10. коло на Првата македонска фудбалска лига.
Тимот на Александар Васоски во второто полувреме прикажа одлична игра и дури четири пати ја затресе мрежата на домашниот тим.
Алиќ во 61. минута го отвори мечот за водство на Силекс од 1-0, Радиќ во 75. минута го изедначи резултатот.
Осум минути подоцна Маронг го врати водството на Силекс, а во 85. минута Игнатов реализираше за предност на кратовскиот тим од 3-1, Ѓорѓиевски во судиското продолжение ги постави конечните 4-1.
Кратовскиот тим сега е на третата позиција со вкупно 17 бода, додека Струга останува останува на 15 бода, доволни за петтото место на табелата.
Екипата на Вардар остана претпоследен на табелата откако го загуби натпреварот со Беса во Добридол со 2-1.
Есати во првиот дел ги доведе домаќините во водство кое беше актуелно се до 73. минута кога Омерагиќ погоди за изедначување. Сепак, Фетаи само четири минути подоцна го постигна победничкиот гол за Беса.
Резултати од 10. коло:
Брера – Воска 1-1
Беса – Вардар 2-1
Пелистер – Шкупи 0-0
Работнички – Гостивар 1-0
Струга – Силекс – 1-4
Тиквеш – Шкендија 0-0.
Ново на Сител
-
Премиерот Мицкоски во Салцбург на 20. Европски самит
-
Нема опасност за посетителите на ЗОО Скопје доколку немале директен контакт со заболените птици
-
СЗО: Египет е земја без маларија
-
Слот по победата над Челси: Најтешкиот натпревар досега, вложивме неверојатен напор
-
Почнува вакцинацијата против сезонски грип
-
ПМФЛ: Силекс го победи актуелниот шампион, Вардар поразен и од Беса
-
Алаба не се откажува, почна да трча без болки во коленото
-
Шпанската крајбрежна стража спасила над 230 мигранти кај Канарските острови