„Пинк“: Откриениот експлозив во Нов Белград е директно поврзан со оружјето во Јајинци

Експлозивот кој синоќа е пронајден во една гаража во Нов Белград е директно поврзан со оружјето, кое во саботата беше откриено во белградската населба Јајинци, во непосредна близина на семејната куќа на српскиот премиер Александар Вучиќ, објави телевизијата „Пинк“.

Украдениот автомобил марка „Рено меган“, во кој е пронајдено дополнителното оружје, бил забележан во саботата во попладневните часови во шумата во Јајинци, во близина на локацијата каде било откриено првото количество на оружје, наведува телевизијата.

Во рамки на истрагата за пронајденото оружје во саботата, полицијата во една една гаража во Нов Белград го открила автомобилот во кој се наоѓале 400 грама тротил. Станува збор за експлозив со голема разурнувачка моќ.