Пилот проект за паметни полициски возила за побезбеден сообраќај
Со нов систем на т.н. „Паметни полициски возила“ треба да се зајакне работата на Министерството за внатрешни работи (МВР) и правата на граѓаните пред полицајците, да се олесни нивната работа и да се влијае на намалување на корупцијата.
Системот е промовиран во Центарот за обука на МВР, на иницијатива на Републичкиот совет за безбедност на сообраќајот на патиштата (РСБСО), во соработка со ресорното Министерство и амбасадата на Република Словачка, соопшти денеска РСБСП.
На презентацијата присуствале дополнителниот заменик министер за внатрешни работи Оливер Андонов, словачкиот амбасадор во Македонија Мартин Безак и претседателот на РСБСП Стојче Стаменковски.
Претставници од компанијата „Mosy – intelligent public safety“ пред припадниците на МВР практично презентирале две возила на словачката полиција со вградени софтвери за идентификација на возилата и идентификација на сообраќајните прекршоци. Софтверскиот систем, се вели во соопштението, овозможува директна конекција на полициското возило и полицискиот службеник со базата на податоци од Министерството за внатрешни работи и идентификација на возилата, возачите и сите останати податоци кои се поврзани со возилото и возачот.
Според соопштението, по презентацијата присутните изразиле подготвеност заеднички да реализираат пилот проект преку кој ќе бидат донирани две возила со вградени софтверски решенија кои ќе овозможат идентификација на возилата учесници во сообраќајот, препознавање на осигураните и регистрирани возила и одвојување на неосигураните и нерегистрирани возила, како и идентификација на сообраќајните прекршоци и нивните сторители.
- Целта на овој тримесечен пилот проект е всушност директно да бидат утврдени можностите за имплементација на напредни технологии во работата на полицијата во РМ и согледување на неговите позитивни и негативни страни и неговиот придонес во насока на намалување на криминалното и девијантно однесување на патиштата во Република Македонија, соопштуваат од МВР.
Укажуваат дека досега таков сличен проект е реализиран во неколку европски земји и оти сериозно влијаел на подобрување на ефикасноста на полициските службеници преку скратување на времето за полициски контроли, намалување на бројот на украдени возила, намалување на стапката на корупција и креирање база со сериозни и важни податоци.
Ново на Сител
-
Полицијата презема мерки за пронаоѓање шест лица - работници од Непал
-
Избувна пожар во светиниколско: Изгоре штала, две грла добиток, млин, сточна храна
-
Во Струмица oбид за киднапирање на тригодишно дете, полицијата испитува дали се работи за кривично дело
-
Мицкоски за можна средба со Мицотакис во Вашингтон: Се надевам дека ќе го задржиме достоинството и дека ќе разговараме како партнери и добри соседи
-
Путин очекува Орбан да зборува од името на Европа за Украина
-
НАТО на самитот во Вашингтон ќе бара стандардизација на артилериската муниција
-
Столтенберг се надева дека Украина може да се приклучи на Алијансата во следните 10 години
-
Шолц вети дека поддршката на ЕУ за Украина нема да ослабне, и покрај посетата на Орбан на Москва