Пијан татко си ги претепал малолетните деца, па ги заклучил во подрум

Полицијата вчера уапсила маж од Гевгелија бидејќи физички ги нападнал своите две малолетни деца, информираа од Министерството за внатрешни работи (МВР).

- Таткото со стап ги нападнал најпрвин во станот, а потоа и во подрумските простории, каде ги заклучил со катанец. Од страна на униформирани полициски службеници извршено е алкотестирање при што е констатирано присуство на алкохол од 1,77 промили и истиот е задржан во Полициската станица во Гевгелија – велат од МВР.

Децата се згрижени од страна на социјалните работници од Меѓуопштинскиот центар за социјална работа на град Гевгелија.

Случајот во полиција бил пријавен синоќа околу 1 часот и 20 минути.