Пијан студент заспал покрај радијатор - следело шокантно будење!

Тешки изгореници заработил студент кој пијан заспал покрај радијатор. 21-годишникот кој не сака да биде именуван раскажал дека по излегувањето во град, во Плимут, дошол дома и одлучил да отспие покрај радијатор, кој, како што тврди, во тој момент бил ладен.

Но, студентот се нашол во болница и на инфузија. Се пробудил по неколку часа со раката заглавена во радијаторот.

По инцидентот му останале лузни, а се лечи со антибиотици. Користи и посебни креми за изгореници, како и таблети против болки.

Сепак, се чини дека студентот не ја научил лекцијата од овој инцидент. Само неколку дена подоцна, успеал да се изгори со UV ламба со која го заменил греачот во својата студентска соба.