Пијан Русин направи хаос во сообраќајот: Качи човек на хауба и го возеше 30 метри

Еден руски таксист се соочува со казна од 7 години затвор откако одбил да запре поради прекршоци во сообраќајот. И тоа не е се.

Тој потоа го влечел чуварот на паркингот на хаубата од своето такси некои 30 метри и ја скршил капијата на московскиот аеродром додека се обидувал да побегне.

Инцидентот кој го забележаа безбедносните камери, започна кога возачот кој е вработен во водечка такси служба, се возел низ пешачката зона на аеродромот. Поради тоа му пријде службеник од паркингот.

Според неговите зборови, таксистот делувал како да не е при себе и одбил да одговори на неговите прашања. Другиот службеник кој се обидел да му помогне на својот колега, вели дека почувствуал силен мирис на алкохол кој доаѓал од автомобилот.

Таксистот потоа забрзано, со се паркинг службеникот на хаубата од својата кола, почнал да вози криво - лево за да го отфрли човекот кој очајнички се задржувал.

Откако успеа во својата намера и се ослободи од служеникот, таксистот побегнал но набрзо  е идентификуван и по неколку часа уапсен. Обвинет е за хулиганизам и може наредните 7 години да ги помине во затвор.

Погледнете го видеото: