Пицула: Внатрешните реформи на ЕУ мора да одат заедно со политиката на проширување
Внатрешните реформи на ЕУ мора да одат заедно со, можеби една од нејзините најуспешни политики, а тоа е политиката на проширување, изјави хрватскиот европратеник од социјал-демократската група Тонино Пицула, по отворањето на меѓународната конференција „Еден Балкан кон ЕУ“.
– Секако годината не почна добро и првпат останавме без една земја членка, но тоа само ја нагласува потребата на реформа на ЕУ, а нејзината реформа и напредок не може да одат без политиката на проширување кон Западен Балкан. Северна Македонија е државата на овој простор што направи најмногу за афирмација на ваквата политика и затоа сметаме дека е погрешна одлуката за непочнување на преговори во октомври минатата година, изjави Пицула.
Верувам, подвлече Пицула, дека Зоран Заев и неговата влада дадоа силен аргумент за отворање на преговорiте и тоа е секако причина за сите нас во ЕП да продолжиме со поддршка на политиката на проширување.
Лидерот на СДСМ Зоран Заев, рече дека сме свесни оти е отворена дебатата за реформите во ЕУ, но и дека очекуваме таа паралелно да се случува заедно со процесот на проширување на ЕУ.
– Очекуваме да добиеме датум за почеток на преговорите. Не очекуваме веднаш да станеме членка на ЕУ, за тоа постои процес, кога ние ќе бидеме подготвени и ЕУ ќе биде подготвена по пет, седум, десет години да бидеме полноправна членка. Но, држењето на мотивацијата за сите нас претставува единствена водилка за позитивни реформи на државата, изјави Заев.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228