Петта „Ролер трка 2016“ во Скопје
Петтата „Ролер трка 2016“ наречена „Возиме кон иднината“ ќе се одржи утре, со почеток во 12 часот. Стартот ќе биде на булеварот „Илинден“, пред фонтаната на Градскиот парк, а ќе се вози до клучката на булеварот „Илинден“ со улицата „Никола Тесла“ или кај ЈП „Паркови и зеленило“.
Организатори на оваа спортска манифестација се Детскиот културен центар „Карпош“ и Град Скопје. Ќе учествуваат сите основни училишта од градот и околината со учесници од по 15 момчиња и 15 девојчиња, на возраст од петто до деветто одделение.
- Целта на оваа рекреативна масовна акција е развивање на спортскиот дух на нашите најмлади, како и создавање навики за спортување. Со унапредувањето на ролер спортот, градот ќе се збогати со уште една масовна манифестација, која има тенденција да прерасне во традиционална, информира Детскиот културен центар „Карпош“.
На ролеријадата ќе бидат доделени по три награди за најуспешните ученици во машка и женска категорија.
Детскиот културен центар „Карпош“ информира дека лани во манифестацијата „Возиме кон иднината“ се вклучиле околу 700 учесници.
Ново на Сител
-
Албанија „ќе увезе“ 40.000 работници од Филипините
-
Приведен криминалец баран со потерница
-
Постепено забрзување на економскиот раст и просечна инфлација од 3,5 отсто, предвидува Народната банка
-
До четврток посвежо со локална нестабилност и пообилни врнежи
-
Германската амбасада со честитки до Силјановска Давкова за преземањето на нејзината улога како прва жена претседател
-
„Политико“: Силјановска-Давкова предизвика расправии со Грција уште при полагањето заклетва
-
ДИК ќе одлучува по однос на пристигнатите приговори од парламентарните избори
-
За брзо возење казнети 553 возачи