Петков, министрите и пратениците се приклучија на митингот за поддршка на владата на Бугарија
На митингот за поддршка на владата пред Собранието на Бугарија вечерва се приклучија и премиерот Кирил Петков, министри и пратеници од „Продолжуваме со промените“, „Демократска Бугарија“ и „БСП за Бугарија“. Тие беа пречекани со аплауз од граѓаните кои го исполнија плоштадот откако парламентот го поддржа изгласувањето недоверба на владата со 123 гласа „за“, 116 „против“ и без воздржани.
-Заедно одиме напред, им порача Кирил Петков на демонстрантите. „Со вас сме“, одговорија насобраните граѓани. Овој глас е мал чекор кон долгиот пат до победа на државата, вие сте гаранција дека оваа држава ќе изгледа поинаку по следните избори, рече Петков.
-Вашата поддршка и енергија се гаранција дека оваа војна што ја започнавме не завршува денеска, туку до нејзиниот успешен крај, рече пред насобраните луѓе поранешниот претседател на Собранието Никола Минчев.
-Важно е да се формира влада која успешно ќе ја заврши борбата против мафијата, изјави министерот за финансии Асен Василев. …Резултатот е добар, на следните избори ќе има четири гласа против мафијата, рече тој. Единствениот кабинет што ќе го направиме ќе биде кабинет за исфрлање на мафијата, додаде Василев.
Претседателот на пратеничката група на „Продолжуваме со промените“ Андреј Ѓуров изрази надеж дека во следниот обид за формирање кабинет ќе успеат да го консолидираат мнозинството
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден