Пет седници на Собранието и заседание на Законодавно-правната комисија
Собранието денеска ќе одржи пет седници, 82-та, како и продолженија на 50-та, 57-та, 71-та и 79-та.
На 82-та седница на дневен ред се предлог-законите за ратификација на Протоколот кон Северноатлантскиот договор во врска со пристапувањето на Финска и Шведска во НАТО. Меѓу точките на дневен ред се и предлог-законите за изменување и дополнување на Законот за судска служба, на Законот за јавнообвинителска служба, како и на Законот за извршување на санкциите.
На 50-та седница, треба да се разгледаат предлог-стратегијата за родова еднаквост 2021-2026, предлог-законот за лековите и предлог-законот за исплата на паричен надоместок на жртви од кривични дела со насилство.
Остануваат уште две неразгледани точки од дневниот ред на 57-та седница, односно предлог-законот за изменување и дополнување на Законот за данокот на додадена вредност и предлог-законот за дополнување на Законот за репродуктивен материјал од шумски видови дрвја.
На 71-та седница се наоѓа точката за интерпелација за работата на претседателката на Комисијата за политички систем и односи меѓу заедниците Соња Мираковска, како и повеќе предлог-закони, меѓу кои за дополнување на Законот за животната средина, за изменување и дополнување на Законот за работните односи. На дневен ред на оваа седница е и Информација за пописот на населението, домаќинствата и становите во Република Северна Македонија 2021 година, но и предлог за кандидат за потпретседател на Собранието.
На дневен ред на 79-та седница, пак, се предлог-законот за граѓанска одговорност за навреда и клевета, предлог-законот за заштита на потрошувачите.
Во Собранието денеска ќе се одржи и една седница на Законодавно-правната комисија, на чиј дневен ред е една точка, односно Предлог-законот за буџети.
Ново на Сител
-
Мобилниот телефон во чанта – нови правила и казни за учениците во Грција
-
Стано: По завршувањето на истрагата за Бањска, ЕУ очекува сите страни да соработуваат во судскиот процес
-
Вулин во име на Србија им се обрати на учесниците на состанокот на БРИКС за безбедност во Русија
-
Вучиќ: ЕУ и земјите членки итно да се спротистават на самоволието на Приштина
-
Дурмиши: Се почитува мерката „Помалку трошоци, повеќе за тебе“
-
Сиљановска Давкова утре на средба со Радев во Софија
-
САС на МПЦ-ОА изрази поддршка на Украинската православна црква
-
Дурмиши: Работната група утре ќе предложи мерки за ограничување на цените