Пет пожари за два дена од горење отпад од лозја во Кавадаречко
Пет пожари за два дена биле предизвикани при горење отпад од лозја во Кавадаречко, а изминатите неколку седмици пожарникарите континуирано биле ангажирани во гаснење на пламени јазици што настанале токму поради масовно горење на лозовите прачки што остануваат по резидбата на виновите лози.
Во два посебни пожара во кавадаречкото село Сопот, огнот се приближил до самите куќи, па се појавила и паника од можни последици врз домовите на сопотчани.
Командирот на Територијалната противпожарна единица, Александар Чадамов, во изјава за МИА рече дека, за жал, некои од неодговорните во огнот ставаат и гума, пластика и кабли, за побрзо да изгорат отпадните прачки.
– Тоа од една страна претставува опасност по животите и имотите на луѓето, а од друга страна, дополнително ја загадува околината. Апелираме на совесност кај населението и внимателност кога станува збор за управување со отпадот што им останува по кроењето на лозјата, нагласи Чадамов.
Тој додаде дека токму поради овој актуелен проблем со кој се соочуваат, им се случува нивни екипи истовремено да бидат ангажирани на неколку различни места. Овие денови поради вакви пожари, редовно на работа биле повикувани и пожарникари кои во тој момент не се на смена, се со цел, успешно да се локализираат сите жаришта што се јавуваат после неконтролирано справување со отпадот од лозјата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп